ამ კურსის მიზანია აღმოაჩინოთ თქვენი სხეულისა და გონების შესაძლებლობები. ეს დაგემხარებათ იყოთ თავდაჯერებული პრეზენტაციების, საჯარო გამოსვლების და ადამიანებთან კომუნიკაციის დროს. ეს კურსი გასწავლით იყოთ კონცენტრირებული და თქვენს გარშემო არსებული მოვლენები აქციოთ შთაგონებად. თქვენ აღმოაჩენთ თქვენი სხეულის უსაზღვრო პოტენციალს, როგორც ენერგიის წყაროს, ასევე წარმოსახვისა და შემოქმედებითი უნარების შეუზღუდავ ზღვარს, რაც დაგეხმარებათ იყოთ გახსნილი და თავისუფალი ფართო აუდიტორიის წინაშე ! მონაწილეობის მისაღებად საჭიროა თავისუფალი, სპორტული ტიპის სამოსი მოძრაობისთვის

ციფრული უნარების განვითარების კურსი აძლევს სტუდენტს საჭირო კომპლექსურ ცოდნას და შესძენს შემდეგ უნარებს:
            კომუნიკაცია ციფრულ ერაში და სფეროში არსებული ძლიერი და სუსტი მხარეების გამოვლენა, თანამედროვე გამოწვევების იდენტიფიცირება.
            კურსის მიზანია, ხელი შეუწყოს სტუდენტს, გაიაზროს როგორ გამოიყენოს თანამედროვე ციფრული ტექნოლოგიები უფრო სწრაფი და უკეთესი შედეგებისთვის;
            როგორ განახორციელოს იდეა ციფრული უნარების დახმარებით;
            განასხვაოს დიგიტალიზაციის დადებითი და უარყოფითი მხარეები;
            მიიღოს, დაამუშაოს და გაავრცელოს ინფორმაცია;
            სოციალური მედია;
            „დიზაინ აზროვნების“ სისტემა;
            ციფრული მარკეტინგის სტრატეგია;
ამ და სხვა მნიშვნელოვანი საკითხების შესწავლითა და განხილვით, სტუდენტს შეეძლება გაითავისოს ციფრული უნარების როლი და მნიშვნელობა. წინამდებარე ტრენინგის მიზანია, გააცნოს სტუდენტს ციფრული ინსტრუმენტების შესაძლებლობები, რაც დაეხმარება მას იოლად შეძლოს იდეებისა და პროექტების რეალიზება.
აღნიშნული კურსი, როგორც დამხმარე ნაწილი აქსელერაციის კლასიკური პროგრამისა, ხელს უწყობს ახალგაზრდა თაობას, განავითაროს ბიზნეს იდეები ციფრული უნარების დახმარებით. კურსის საკვანძო მომენტებია ონლაინ პროდუქტებისა და სერვისების ხელის შეწყობა და კომერციალიზაცია.
კურსი შეიცავს 2 მოდულს - A და B ნაწილებს. ნაწილი A მეტად ფოკუსირებულია თეორიაზე, ნაწილი B - აქცენტირებულია პრაქტიკაზე. ორივე კომპონენტი, სასწავლო მასალასთან, სასწავლო აქტივობებთან, ინტერაქტიურ დიალოგებთან და სიმულაციურ თამაშებთან ერთად, მოგვცემს სათანადო შედეგებს.

•          აქსელერაციის კურსი ფოკუსირებულია ისეთ საკითხებზე როგორიცაა ბიზნეს დაგეგმვა, ორგანიზება, ფინანსური პროგნოზირება და შეფასება.
•             კურსის განმავლობაში, მონაწილეები შეისწავლიან ტექნიკურ დეტალებს, რომელიც განსაზღვრავს აქსელერატორის სამუშაოს სპეციფიურობას, აღნიშნული დაფუძნებულია არსებულ გამოცდილებაზე. მათ შესაძლებლობა ექნებათ შეიძინონ ცოდნა და გაიმყარონ სამეწარმეო და ლიდერული უნარები რომელიც საჭიროა პოტენციურ პარტნიორებთან და ინვესტორებთან წარმატებული ბიზნეს თანამშრომლობისთვის.
•             მონაწილეები ასევე მიიღებენ მნიშვნელოვან ინფორმაციას ბიზნეს იდეების სწორად ფორმულირების შესახებ, ეკოსისტემაზე, როგორც პროცესზზე, გარემოს გავლენებზე აქსელერაციის პროგრამებზე, დაფინანსების მოპოვების/კაპიტალის ზრდის შესაძლებლობებზე და სხვა.
•             კურსის მსმენელები ტრენერების კოორდინაციით განავითარებენ ინდივიდუალურ ან ჯგუფურ სამეწარმეო პროექტის იდეას, რის შემდეგაც ისინი მოამზადებენ შემაჯამებელ პრეზენტაციას.